Déjà vu

شنو يعني ديجاڤو؟ وليش نحس فيه؟

هذا فلم ديجاڤو.. يعني نسوي حركات بالموضوع شفيكم لوول

المهم ديجاڤو اهو شعور غريب تحسه لما تشوف شي او تصيرلك شغلة جدامك تحس انك شايفها من قبل او حاس فيها حتى لو انك ما تذكر وين و شلون و متى صار هالشي؟

صارتلك من قبل صح؟ خل نعطي مثال عالديجاڤو.. مرة من المرات كنت طالع ويا صاحبي و بالسيارة قعدنا نسولف.. بهاللحظة وبهاللقعدة و بهالسوالف فجأة احس ان هالسيناريو بالضبط انا كنت فيه من قبل و شايفه !؟

عاد الناس ياحبهم حق هالسوالف و كل واحد طلعله شي عشان يثبت سالفة الديجاڤو.. سمعت مرة من المرات ان الانسان وهو جنين في بطن امه تمر عليه حياته كاملة جدامه وانت بقدرة قادر لما تصيرلك شغلة معينة او موقف معين مخك يسترجع اللي شفته وانت جنين ! يا للهول الصراحة.. وفيه ناس تقول انها قدرة خارقة للإنسان مثل الحاسة السادسة لكن لا يوجد أي دليل يثبت هالأمور كلها! صار معلوم؟

التفسير الشائع لظاهرة الديجاڤو واللي مالها اي دليل او اثبات أصلا وهي نظرية تحتمل الخطأ و الصواب بأن المخ بأجزائه المختلفة يعمل بمعدلات متفاوتة.. نبسطها أكثر و نقول مثلا ان المعلومة اللي توصلك بشكل ابطئ من المعتاد تحس انها مألوفة و عارفها من قبل

تقريبًا ٦٠٪ من الناس بعض الأحيان يشعرون بالديجاڤو و اهما دايمًا يذكرون أحلامهم المعتادة بالتفاصيل. و يقال بأن المصابين بالصرع الجزئي غالبًا يحسون بظاهرة الديجاڤو

اكيد صارت لكم هالديجاڤو ! شاركونا بمواقفكم بالكومنتات تحت.. فـ حيا الله الديجاڤيّون

Source: Focus